Дауқара  орта мектебінде  Ұлы Жеңіс күніне арналған іс-шаралар есебі құрылып бекітілді.  Ең бастысы мектеп сырты, іші  мерекеге сай безендірілді.  Ұлы Отан соғысының Жеңіс Күніне 74 жыл толуына орай кітапханада «Бұл күндердің даңқы сөне емес» тақырыбында кітаптар көрмесі ұйымдастырылыды. 8-сынып оқушылары, сынып жетекшісі Алтаева И.М. ҰОС-ында қаза тапқан жауынгерлерге арналған ескерткішті қамқорлыққа алды және 9-10 сынып оқушылары   ҰОС тыл ардагерлеріне көмек көрсетті. «Біз еске аламыз! Біз мақтан етеміз», «Ешкім де, ештеңе де ұмытылмайды» тақырыптарында бірыңғай ерлік сабағы, тәрбие сағаттары өтті. Аға тәлімгер Тоқышева Д.А. ұйымдастыруымен «Бұл күндердің даңқы сөне емес» атты видеороликтер байқауы өтті. Алғашқы әскери дайындық пәнінің оқытушы-ұйымдастырушы Садвакасов А.Ж. 10-11 жоғары сыныптар оқушыларға  әскери қызметшілермен кездесу өткізді. Тіл мамандары «Естелік оты  мәңгілік өшпес» тақырыбында шығарма жазу, өлең шығару, мәнерлеп оқу сайысын ұйымдастырды. Жеңімпаздар мақтау қағаздарымен марапатталды. Музыкалық жетекшісі Жанысова Т.Қ. «Ұмытпаймыз! Ескереміз! Мақтаныш етеміз!» тақырыбында патриоттық әндер байқауын өткізді. Бұл байқауда 9-сынып оқушылары І-орынға ие болды. Дене шынықтыру мұғалімдері спорттық жарыстар ұйымдастырды. 6 мамыр күні тыл ардагерлері мен ауылдың үлкен қарттарына арналған  мерекелік концерт ұйымдастырылып, дастырхан жайылды. 9-мамыр күні  Ұлы Отан соғысында қаза тапқан жауынгерлерді еске алуға арналған ескерткіш алаңында салтанатты митингі, гүл шоқтарын қою рәсімі өтті.